Ta’lim yo’nalishlari haqida

DAVOLASH FAKULTETI
(Davolash ishi)

1. Fakultetning qisqacha tarixi

Davolash fakultetining tarixi 1919-yilning 13-sentyabrida Turkiston Davlat universiteti qoshida tibbiyot fakulteti  tashkil etilishi bilan bog‘liq. 1920-yilning 5-may kuni tibbiyot fakultetiga 500 o‘rinli shifoxonaga ega bo‘lgan sobiq kadetlar korpusining binosi topshirildi. Dastavval fakultetda 205ta talaba 5ta kursda tahsil olgan. 1931 yilda  tibbiyot fakulteti alohida institutga aylantirildi. 1935 yilda esa O‘rta Osiyo tibbiyot institutining nomi Toshkent tibbiyot istitutiga o‘zgartirildi. Uning tarkibida 4 ta fakultet tashkil etilib, shulardan biri davolash profilaktika fakulteti keyinchalik davolash fakulteti nomi bilan atala boshlandi
Fakultetga asos solingan vaqtidan boshlab uning dekani sifatida N.I.Ragoza, S.G.Xaskin, P.A.Nerdit, A.S.Volûnskiy, A.M.Geller, A.X.Xodjaev, I.Yu.Laskov, S.A.Dolimov, A.I.Magrupov, M.I.Gasparyan, N.M.Majidov, M.A.Ashrapova, R.M.Nurmuhamedov, A.I.Mo‘minov, N.X.Shomirzaev,  Sh.I.Karimov, K.N.Najmutdinov, M.X.Qoriev, M.M.Mirsamatov, T.X.Qayumov, P.I.Toshxo‘jaev, A.M.Xakimov, Sh.Ya.Zokirxujaev kabi mashxur olimlar faoliyat yuritganlar
Toshkent Tibbiyot Akademiyasining davolash fakultetida professorlar O.R.Teshaev (2005-2006 yy), Q.I.Rasulev (2006-2008 yy), S.P.Abdullaev (2008-2011 yy), B.T.Xalmatovalar (2011-2014 yy) P.S.Zufarov (2014-2017 yillar) dekan vazifasini bajarishdi. 2017 yil mart oyidan boshlab fakultetni professor B.T.Xalmatova boshqarib kelmoqda.

2. Professor-o‘qituvchi xodimlar xarakteristikasi

Bugungi kunda fakultetda 260 nafar pedagog faoliyat ko‘rsatadi. Ulardan 1 nafari akademik, 61 nafari fan doktori va 104 nafari fan nomzodlari hisoblanadi.

3. Bugungi kunda nechta talaba tahsil oladi?

Bugungi kunda 1865 nafar talaba tahsil oladi

4.Tahsil oluvchilar oldiga qo‘yilgan talablar (horijiy til va AKT ni bilishi, buni bilish o‘qish jarayonida qanchalik zarur, horijiy til va AKT ni bilmaslik qanday oqibatlarga olib kelishi mumkin.

Fakultetda tahsil oluvchi talabalar horijiy tallar va axborot kommunikatsion texnologiyalarni mukammmal bilishlari talaba etiladi. Bugungi kundagi tibbiyotning eng so‘ngi yutuqlaridan foydalanishlari uchun va zamon talablariga mos adabiyotlardan o‘qib tahsil olishlari uchun internet resurslaridan oqilona foydalanish ko‘nikmalariga ega bo‘lishlari lozim. Aks holda fanlarni o‘zlashtirishda boshqa talabalardan ortda qolishlari va yetuk mutahassis bo‘lib yetishishlari qiyin bo‘ladi.

5. Akademik qarzdorligi bo‘lgan talabalarga qanday choralar ko‘riladi?

Sababsiz 72 soat dars qoldirgan qarzdor talabalar talabalik safidan chetlashtiriladi. Kasallik tufayli qarzdor bo‘lgan talabalar esa belgilangan hujjatlarni tavsiya qilganlaridan so‘ng o‘rnatilgan grafik asosida akademik qarzdorliklarini bartaraf qilishadi. Semestr davomida har bir fandan 3 va undan ortiq sababsiz dars qoldirgan, yakuniy nazoratlar (OSKI va test)ni qoniqarsiz baholarda topshirgan  talabalar akademik qarzdor talaba hisoblanib, ular akademik qarzdorligini semestrdan tashqari belgilangan grafik asosida qayta topshirishadi va akademik qarzdorlik sodir bo‘lgan semestrni oxirgi oy stipendiyasidan mahrum qilinadi.

6. O‘qishning davomiyligi

Yangi nizomga muvofiq davolash fakultetida o‘qish muddati 6 yilni tashkil etadi.

7. O‘quv mazmuni nimadan iborat?

Umumiy amaliyot shifokorini tayyorlash uchun talabalar dastlabki uch yil davomida fundamental fanlarni o‘rganadilar, 4 yildan bshlab klinik fanlarni o‘qiy boshlaydilar. Klinik fanlarni o‘qish vaqtida fanlararo integratsiyaga e’tibor qaratiladi. Amaliy mashg‘ulotlarda o‘qitishning zamonaviy usullari faol qo‘llaniladi.

8. O‘qishni tugallagandan keyin kim bo‘lishadi?

O‘qishni tugatganlaridan so‘ng ular baklavr – “Umumiy amaliyot shifokori” diplomini olishadi.

9. Toshkent tibbiyot akademiyasini tugatgandan keyin qayerda ishlash mumkin?

Davolash fakultetining bitiruvchilari oilaviy poliklinikalar, shoshilinch tibbiy yordam stansiyalari, qishloq vrachlik punktlarida faoliyat olib borishlari va magistratura, klinik ordinaturada tahsilni davom ettirib, mutahassis sifatida klinika va shifoxonalarda, ilmiy tekshirish institutlari va yetakchi tibbiyot muassasalarida faoliyat olib borishlari mumkin.

TIBBIY-PEDAGOGIKA FAKULTETI
(Kasbiy ta’lim – tibbiy-pedagogika ishi)

1. Toshkent tibbiyot akademiyasi tibbiy pedagogika fakulteti haqida.

“Kadrlarni tayyorlash milliy dasturi” asosida ta’lim isloxotini amalga oshirish xamda davolash ishi o‘qituvchisi, umumiy amaliyot shifokorini tayyorlash maqsadida O‘zbekiston Respublikasi Vazirlar Mahkamasining 1998 yil 25 maydagi 228-sonli qarori bilan Birinchi Toshkent Davlat tibbiyot instituti rektorining 1998 yil 30 avgust 140- sonli buyrug‘i bilan davolash fakulteti qoshida “kasbiy ta’lim yo‘nalishi” bo‘yicha tibbiy pedagogika fakulteti tashkil etildi.
Hozirgi kunda fakultetda tibbiyot kollejlari  va tibbiyot institutlari uchun yuqori saviyali pedagoglar hamda umumiy amaliyot shifokori tayyorlanmoqda.

2. Professor-o‘qituvchi xodimlar tarkibi.

Xozirgi davrda fakultetda 131 nafar pedagog hodimlar faoliyat olib bormoqdalar. Ulardan 21 nafari fan doktorlari, 43 nafari fan nomzodlaridir. Pedagog hodimlarining 22 tasi dotsent, 16 tasi professor unvoniga ega. Fakultetda O‘zbekiston Respublikasi Fanlar akademiyasining xaqiqiy a’zosi akademik T.F.Daminov faoliyat olib bormoqda.

3. Bugungi kunda nechta talaba tahsil oladi?

Ayni vaqtda fakultetda 706 nafar talaba bo‘lib, shundan 214 nafari davlat granti asosida va 492 nafari to‘lov shartnoma asosida ta’lim olmoqda.

4. Tahsil oluvchilar oldiga qo‘yilgan talablar (horijiy til va AKT ni bilishi, buni bilish o‘qish jarayonida qanchalik zarur, horijiy til va AKT ni bilmaslik qanday oqibatlarga olib kelishi mumkin.

Har bir talaba o‘zini shaxsiy noutbuki (netbuk, planshet, iPad) ega bo‘lishi va unda erkin ishlash qobiliyatiga ega bo‘lishi kerak. Xorijiy tillardan rus va ingliz tillarini o‘rganish va uni ta’lim olish sohasida ishlata bilish lozim, chunki ko‘plab adabiyotlar yuqoridagi xorijiy tillarda, shuningdek, o‘tkaziladigan tadbirlar va xorijdan kelgan mutaxassislar ishtirokida turli master klasslar va integral ma’ruzalar, muhokamalarda ishtirok eta olishi va  tma.uz sayti orqali dunyoning yetakchi kutubxonalari va izlovchi portallaridan foydalana olishi lozim. Shuningdek akademiyada Wi-Fi hududlari tashkil etilgan. Agar talaba xorijiy tillar va axborot texnologiyalari bo‘yicha yetarli ko‘nikmaga ega bo‘lmasa yuqoridagi imkoniyatlardan foydalana olmaydi.

5. Akademik qarzdorligi bo‘lgan talabalarga qanday choralar ko‘riladi?

Sababsiz 72 soat dars qoldirgan qarzdor talabalar talabalik safidan chetlashtiriladi. Kasallik tufayli qarzdor bo‘lgan talabalar esa belgilangan hujjatlarni tavsiya qilganlaridan so‘ng o‘rnatilgan grafik asosida akademik qarzdorliklarini bartaraf qilishadi. Semestr davomida har bir fandan 3 va undan ortiq sababsiz dars qoldirgan, yakuniy nazoratlar (OSKI va test)ni qoniqarsiz baholarda topshirgan  talabalar akademik qarzdor talaba hisoblanib, ular akademik qarzdorligini semestrdan tashqari belgilangan grafik asosida qayta topshirishadi va akademik qarzdorlik sodir bo‘lgan semestrni oxirgi oy stipendiyasidan mahrum qilinadi.

6. O‘qishning davomiyligi

Tibbiy pedagogika fakultetida o‘qish muddati 6 yilni tashkil qiladi. Ushbu fakultetning o‘quv rejasini bajargan bitiruvchilar oliy malakali, raqobatbardosh tibbiy va pedagogik mutaxassisliklarni egallaydilar.

8. O‘qishni tugallagandan keyin kim bo‘lishadi?

Tibbiy pedagogika fakultetini tugatgan talabalar umumiy amaliyot vrachi  va  litsey, kollejlar pedagogi kvalifikatsiyasiga ega bo‘ladilar. Bitiruvchilar magistratura va klinik ordinaturada taxsil olishni davom etishlari mumkin.

Fakultet bitiruvchilari QVP, oilaviy poliklinikalar, rayon markaziy poliklinikalari va keng tarmoqli rayon shifoxonalarida UASh, kollejlarda esa pedagog sifatida ishlashlari mumkin.

TIBBIY-PROFILAKTIKA FAKULTETI
(Tibbiy-profilaktika ishi)

  1. Fakultetning qisqacha tarixi.

1920 yilda  Toshkent shahrida Turkiston Davlat Universiteti tashkil etilgan bo‘lib Universitet tarkibida tibbiyot fakulteti ham bo‘lgan.  1931 yilga kelib fakultet O‘rta Osiyo tibbiyot instituti nomi bilan Universtitet tarkibidan ajralib chiqadi va 1935 yilda Toshkent tibbiyot instituti deb qayta nomlanadi. Institut tarkibida quyidagi to‘rt fakultet bo‘lgan: davolash-profilaktika, onalik va bolalikni himoya qilish, sanitariya-profilaktika va stomatologiya fakultetlari. 1933 yildan sanitariya-profilaktika fakulteti sanitariya-gigiena fakulteti deb qayta nomlangan. 1992 yildan hozirgi vaqtgacha tibbiy profilaktika fakulteti deb yuritiladi.

Toshkent tibbiyot akademiyasi tibbiy profilaktika fakulteti tibbiy fanlarning rivojlanishiga va kadrlar tayyorlash bo‘yicha nafaqat O‘zbekistonda balki O‘rta Osiyo Davlatlarida ham katta yutuqlarga erishgan. Tibbiyotning turli yo‘nalishlarida faoliyat ko‘rsatgan akademik Turakulov Ya.X., professorlar Zairov K.S., Smetanin N.N., Kovaleva ye.P., Gusev M.I., Izmerov N.F., Ubaydullaev A.X., Chichenin P.I., akademik Iskandarov T.I. va boshqalar ushbu fakultetning tarbiyalanuvchilari hisoblanadi.

Fakultetga asos solingan vaqtidan boshlab uning dekani sifatida Krыjenkov A.N., Georgievskiy A.V., Kampansev N.N., Shtiben V.D., Dixtyar S.R., Akovbyan A.A., Vvedenskiy D.A., Zaxidov A.Z., Babadjanov S.N., Madjidov V.M., Maxmudov O.S., Abduraximov F.G., Magzumov B.X., Demidenko N.M., Tashxodjaev P.I., Katsenovich L.A., Parpiev O.P., Xakimov A.X., Shakirov E.A., Baxritdinov Sh.S., Mirsharapov U.M., Mirtazaev O.M., Zufarov P.S., Nuruzova Z.A., Salomova F.I. faoliyat yuritganlar. Fakultetni 2016 yil 2-sentyabrdan t.f.d. Kulmanova M.U. boshqarib kelmoqda.

  1. Fakultetda faoliyat olib borayotgan professor-o‘qituvchilar

Tibbiy profilaktika fakultetiga biriktirilgan 11 kafedra va 1 ta ilmiy maktabda 137 nafar oliy malakali mutahassislar: 21 nafar professorlar, 34 nafar dotsentlar, 82 nafar katta o‘qituvchilar va assistentlar mehnat qilib kelmoqdalar.

  1. Fakultetda tahsil olayotgan talabalar

Tibbiy profilaktika fakultetida tibbiy profilaktika ishi bo‘yicha 525 nafar (325 nafar o‘g‘il va 200 nafar qiz) va tibbiy biologiya yo‘nalishida 50 nafar (20 nafar o‘g‘il va 30 nafar qiz), jami 575 nafar talaba taxsil olmoqda.

  1. Talabalarga qo‘yilgan talab

Toshkent tibbiyot akademiyasida taxsil olayotgan har bir talabaga zamonaviy axborot texnologiyalaridan foydalanishni bilishi va chet tillarini mukammal o‘rganishlari tibbiyot akademiyasiga qabul qilingan birinchi kunidan boshlab talab qilinadi. Agar talabalar ushbu talablarga javob bermasa kelajak ishlarida (yetuk bilimli mutaxassis bo‘lishi, ilmiy ishlar olib borishi hamda chet ellarda malaka oshirish) yutuqlarga erisha olmaydi.

  1. Agar talabalarda akademik qarzdorlik mavjud bo‘lsa?

Sababsiz 72 soat dars qoldirgan qarzdor talabalar talabalik safidan chetlashtiriladi. Kasallik tufayli qarzdor bo‘lgan talabalar esa belgilangan hujjatlarni tavsiya qilganlaridan so‘ng o‘rnatilgan grafik asosida akademik qarzdorliklarini bartaraf qilishadi. Semestr davomida har bir fandan 3 va undan ortiq sababsiz dars qoldirgan, yakuniy nazoratlar (OSKI va test)ni qoniqarsiz baholarda topshirgan  talabalar akademik qarzdor talaba hisoblanib, ular akademik qarzdorligini semestrdan tashqari belgilangan grafik asosida qayta topshirishadi va akademik qarzdorlik sodir bo‘lgan semestrni oxirgi oy stipendiyasidan mahrum qilinadi.

  1. O‘quv yili davomiyligi

Tibbiy profilaktika ishi mutaxasssisligi bo‘yicha o‘qish davomiyligi 5 yil, tibbiy biologiya yo‘nalishi bo‘yicha 4 yil.

  1. O‘qishning maqsadi.

Tibbiy profilaktika yo‘nalishida: kasalliklar profilaktikasi va joylarda tibbiy xizmatni to‘g‘ri tashkillashtirish.

Tibbiy biologiya yo‘nalishi: tibbiy ta’lim muassasalari, ilmiy tadqiqot institutlari, ilmiy ixtisoslashgan markazlar va boshqa tibbiy muassasalarda fundamental va amaliy  muammolarni hal etish uchun ilmiy – tadqiqot va ilmiy pedagogik kadrlar tayyorlash.

  1. O‘qishni tugatgandan so‘ng bitiruvchilarning sohasi

Tibbiy profilaktika ishi mutaxassisligi:  vrach gigienist-epidemiolog

Tibbiy biologiya yo‘nalishi: vrach laborant

  1. Tibbiyot akademiyasini tugatgan talabalar ish joylari

Tibbiy profilaktika ishi mutaxassisligi: tuman, shahar va Respublika DSENMlarida, davlat sanitariya-profilaktika muassasalari, sug‘urta va munitsipial tibbiyot muassasalari, tibbiy-sanitariya qismlari, OITSga qarshi kurash markazlar, ilmiy-tekshirish institutlari, o‘rta va oliy tibbiy o‘quv muassasalarida faoliyat olib boradilar.

Tibbiy biologiya yo‘nalishi: Tibbiyot kollejlarida umumtibbiy fanlar bo‘yicha o‘qituvchi (mikrobiologiya, normal anatomiya, patologik anatomiya, normal fiziologiya, patologik fiziologiya, gistologiya).

Vrach laborant – sog‘liqni saqlash tizimida, sanatoriyalarda, ayrim tashkilot va vazirliklar tarkibidagi tibbiy sanitariya bo‘limlari, sport – sog‘lomlashtirish komplekslarida, diagnostika markazlarida mutaxassis.

OLIY MA’LUMOTLI HAMSHIRA FAKULTET
(Oliy hamshiralik ishi)

BAKIYEVA SHAHLO HAMIDULLAYEVNA
dekan, t.f.d., dotsent

Tel./Faks: +(998)90 328-48-90
e-mail: shakhlo.bakieva@tma.uz

O‘zbekiston Respublikasi Prezidentining 1998 yil 10 noyabrdagi «Respublikada Sog‘liqni saqlash tizimini isloh qilish Davlat dasturi to‘g‘risida»gi UP-2107 sonli farmoniga asosan, Respublikamizdagi barcha tibbiyot institutlarida 1999-2000 o‘quv yilidan boshlab, «Oliy hamshiralik ishi» yo‘nalishi bo‘yicha Tibbiyot Institutlarida «Oliy malakali hamshiralar tayyorlash» bo’limlari faoliyat ko‘rsata boshladi.

1999-2000 o‘quv yilidan boshlab, Birinchi va Ikkinchi Toshkent tibbiyot institutlarining Tibbiy pedagogika fakultetining qoshida «Oliy malakali hamshiralar tayyorlash» bo‘limlari tashkil etildi.

Birinchi Toshkent tibbiyot institutida «Oliy malakali hamshiralar tayyorlash» bo‘limiga «Ko‘z kasalliklari» kafedrasining dotsenti, tibbiyot fanlari nomzodi Yangiyeva N.R. va ikkinchi Toshkent tibbiyot instituti Tibbiy pedagogika fakulteti qoshidagi «Oliy malumotli hamshiralar tayyorlash» bo‘limiga tibbiyot fanlari doktori, professor Raximboyeva G.S. raxbarlik qilganlar. O‘sha paytda ilk talabalar soni 1 – ToshMI da 38 ta va 2 – ToshMI da 40 ta bo‘lgan. 2002 yil «Oliy malakali hamshiralar tayyorlash» bo‘limi maqomi «Oliy ma’lumotli hamshiralar tayyorlash» maqomiga o‘zgartirildi. 2002 yil 2 – ToshMI dagi «Oliy ma’lumotli hamshiralar tayyorlash» bo‘limiga raxbar bo‘lib, tibbiyot fanlari doktori, Umarov R.X. tayinlandi. 2003 yildan esa, tibbiyot fanlari doktori, professor Bobojonova SH.A. raxbar etib tayinlandi.

О‘zbekiston Respublikasi Birinchi Prezidentining 19 iyul 2005 yildagi № PQ–3629 sonli farmoniga kо‘ra bekor qilingan Birinchi va Ikkinchi Toshkent tibbiyot institutlari asosida Toshkent tibbiyot akademiyasi tashkil etilishi munosabati bilan «Oliy ma’lumotli hamshiralar tayyorlash» fakulteti tashkil etildi va fakultet dekani lavozimiga Bobojonova SH.A. tayinlandi. Bu paytga kelib talabalar soni 100 tadan ortdi.

2007 yildan boshlab OMH fakultetiga tibbiyot fanlari doktori Xalmatova B.T. dekan lavozimida faoliyat yuritdi. Aynan shu yillardan boshlab OMH fakulteti fakultet sifatida ilgarilab bordi. Barcha sohalarda jumladan sport, ma’naviy-ma’rifiy tadbirlar, bilim salohiyatida ham fakultet birinchi o‘rinlarda turdi. Aynan dekan Xolmatova B. T. boshchiligida fakultetning Ilmiy Kengash ishlari yo‘lga qo‘yildi. 2010-2011 o‘quv yilidan fakultetga 6 ta kafedra biriktirildi. Jumladan: Hamshiralik ishi, Sud tibbiyoti va tibbiyot huquqlari, 1-ijtimoiy fanlar, 1-sonli tillar, Akusherlik va ginekologiya, Jamoat salomatligi va sog‘liqni saqlashni tashkil etish va boshqarish kafedralari. Bu kafedralarda ham bahamjixatlik bilan olib borilgan ishlar anchagina samarasini berdi.

2011-2015 o‘quv yillarda OMH fakultetiga tibbiyot fanlari doktori, professor Rustamova X.E. dekan lavozimida ishlaganlar. Shu yildan boshlab dekan boshchiligida fakultetning O‘quv uslubiy kengash ishlari yo‘lga qo‘yilgan.

2015-2016 o‘quv  yilida OMX fakulteti dekani f.f.n., dotsent Norkulov Suxrob Do‘stmurodovich ish yuritganlar va kopgina yutuqlarga erishganlar.

2016-2017 o’quv  yilida Oliy ma’lumotli hamshira fakulteti dekanligiga  Toshkent tibbiyot akademiyasi LOR kasalliklari kafedrasi dotsenti t.f.d. Bakiyeva Shahlo Hamidullayevna tayinlangan. 

5510700 – “Oliy hamshiralik ishi” ta’lim yо‘nalishi

Fakultetga qarashli kafedralar

Hamshiralik ishi kafedrasi. Kafedra mudiri, professor Razikova Ilmira Sadullayevna

Jamoat salomatligi, sog‘liqni saqlashni tashkil etish, boshkarish kafedrasi. Kafedra mudiri, professor Rustamova Xamida Yelemesovna

Ijtimoiy fanlar kafedrasi. Kafedra mudiri, dotsent Norqulov Suhrob Do‘stmurodovich

Sud tibbiyoti va tibbiyot huquqi kafedrasi. Kafedra mudiri, dotsent Bahriyev Ibroxim Isomadinovich

Tillar kafedrasi. Kafedra mudiri, dotsent Abdullayeva Rozanna Mirzatullayevna

OMH fakulteti kafedralarida 60 dan ziyod о‘qituvchilar mehnat qilishadi, ular orasida 5  fan doktori, 15 da fan nomzodlari va ta’lim xodimlari mavjud

Fakultet talabalari 3-kursda о‘z arizalariga kо‘ra 4 mutaxassislik bо‘yicha bо‘linadi

1)Akusherlikda hamshiralik ishi, 2) Anesteziologiya va reanimatsiyada hamshiralik ishi

3) Xirurgiyada hamshiralik ishi 4) Menejment

Hozirgi kunda fakultetda 269 ta  talabalar tahsil olmoqda.

2013 yilda OMH fakulteti talabalari uchun “OMH о‘quv markazi” tashkil etildi. “OMH о‘quv markazi” maqsadi Patronaj va professional parvarish, zamonaviy parvarish va og‘ir yotgan bemorlarga, xayotga xavf soluvchi holatlarda shoshilinch yordam kо‘rsatish texnologiyalarini, onalik–bolalikda hamshiralarning rolini va akusherlik yordamini vaqtida kо‘rsatish haqidagi dunyoqarashlarini kengaytirish, amaliyot bo’yicha keng tushuncha berish. Besh bosqichdan iborat bо‘lgan hamshiralik jarayonini va bu jarayonni hamshiralik kasallik tarixida hujjatlashtirish usullarini talabalarga о‘rgatish.

“OMH о‘quv markazi” vazifalari

– Malakali tibbiy topshiriqlarni yechishni taminlovchi malakali bilimlarni shakllantirish;

– О‘quv-mashg‘ulot komplekslarini tashkillashtirish uchun  innovatsion kompyuter texnologiyalarni qо‘llash;

– О‘quv va ishlab chiqarish amaliyoti yakunida  talabalar bilimini yakuniy tekshirish.

  OMH fakulteti bitirgan talabalar 2 yillik 5A510701 – “Oliy ma’lumotli hamshira” mutaxassisligi bо‘yicha magistraturada о‘qishni davom ettirishlari mumkin

  5A510701- “Oliy ma’lumotli hamshira” mutaxassisligi bо‘yicha magistraturani tamomlaganlar 140023 – “Hamshiralik ishini tashkil etish” ixtissosligi bо‘yicha doktorlik dissertatsiya ishi bilan shug‘ullanishlari mumkin

   2010-2011 о‘quv yillarida OMH fakulteti tashkil etilib, unga 6 kafedra biriktirilgan, ushbu kafedralarda 75 professor о‘qituvchilar ish yuritishadi. Fakultetning ilmiy salohiyati   31,6 %. Bugungi kunda fakultetda 267 talaba tahsil olmoqda. Ular Akademiyamizning 25 kafedrasida 55 fandan bilim olishadi.

Kafedralarning moddiy-texnik bazasi asosan bugungi kun talablariga javob beradi. Kafedralarda fakultet talabalariga dars berish uchun malakali pedagoglar ajratilgan. Ma’ruzalarning 60%ni professorlar, 40% dotsentlar tomonidan о‘qiladi.

Bugungi kunda OMH fakultetida bir qator ishlar olib borilmoqda.

–   Jumladan amaliy dars va ma’ruzalar sifatiga e’tibor berilmoqda.

– О‘qish jarayonida Yangi pedagogik texnologiyalar keng tadbiq qilinmoqda.

– Barcha fanlar bо‘yicha о‘quv-metodik qо‘llanmalar, adabiyotlar yaratilgan va yangilanib bormoqda.

–  Klinik fanlar bо‘yicha amaliy darslar  amaliy kо‘nikmalarni о‘rgatish uchun tashkil qilingan laboratoriya va QVP modulida о‘tishmoqda.

   Ushbu standartda klinik amaliyot soatlariga aloxida e’tibor berilgan, ya’ni 50% – klinik amaliyot va 50%  nazariyaga ajratilgan. Auditoriyada о‘tiladigan amaliy mashg‘ulotda mulyajlarda avtomatik darajagacha amaliy kо‘nikmalar о‘rgatiladi, klinik amaliyot klinikada о‘qituvchi nazorati va tajribali «yetakchi» hamshira rahbarligida bemor yonida olib boriladi. Yangi DTSga – jamoada hamshiralik ishi, sog‘liq va kasallik sotsiologiyasi; psixologiyaga kirish, inson taraqqiyoti, tibbiy va farmatsevtik maxsulotshunoslik, infeksion nazorat, dalillarga asoslangan tibbiyot, ilmiy tekshirish ishlarini amaliyotda qо‘llash, hamshiralar uchun chet tili  kabi fanlar kiritilgan.

Hozirgi kunda Oliy ma’lumotli hamshiralarni tayyorlash jarayoni tubdan о‘zgargan, ular 4 asosiy ixtisoslik yо‘nalishida ta’lim oladilar: anesteziologiya va reanimatsiya blokida  hamshiralik ishi; jarroxlik blokida hamshiralik ishi; akusherlik blokida hamshiralik ishi; hamshiralik ishida menejment.

Bugungi kunda Respublikada oliy ma’lumotli hamshiralar soni 1860 taga tengdir. Ushbu fakultet bitiruvchilari kollej va sog’liqni saqlash tizimining har xil yo‘nalishlarida ishlab kelmoqda, jumladan: 24,6% i- turli kollejda o‘qituvchi, 15,3% turli DPMlarda bosh hamshira va katta hamshira lovozimlarda, 4,2%dan anesteziologiya va reanimatsiya, jarroxlik bo’limlarida hamshira, 3,6%- yetakchi hamshiralar va 2,5%- magistraturada o’kishni davom ettirmoqdalar.

Ush bu fakultet bitiruvchilariga talab juda katta, «Oliy ma’lumotli hamshira» yo’nalishining bitiruvchisi quyidagi turdagi kasbiy faoliyatni bajarishga tayyor bо‘lishi lozim:

  • davolash-profilaktik;
  • tashkiliy-boshkaruv;
  • axborot-taxliliy;
  • marketing;
  • innovatsion;
  • reabilitatsion;
  • tarbiyaviy-pedagogik;
  • metodik;
  • konsultativ;
  • ilmiy-izlanish.

  Demak, hozirgi zamon talabiga muvofiq kadrlarni tayyorlash uchun о‘quv jarayonini yanada mukamallashtirishimiz zarur.  OMH fakulteti talabalari uchun ushbu о‘quv yilida о‘quv jarayonni sog‘liqni saqlash amaliyotiga maksimal yaqinlashtirish, amaliy kо‘nikmalarni chuqurroq о‘rgatish, oliy ma’lumotli hamshiralarni tayyorlashda kafedralararo integratsiyani kuchaytirish uchun OMH markazi tashkil qilinish  maqsadi qо‘yilgan. Ushbu markazda 6 о‘quv bо‘lim (terapevtik, xirurgik, onalik va bolalik, laborator-instrumental diagnostikasi, hamshiralik ishida shaxslararo munosabatlar kо‘nikmalarini о‘rganish, menejment va liderlik), kutubxona, о‘quv xonasi, kompyuter zali tashkil etish rejalashtirilgan. Markazda reja asosida 1,2,3 kurs talabalariga amaliy darslar о‘tiladi va bemorlarni parvarishi bо‘yicha amaliy kо‘nikmalar mulyaj, fantomlar va boshka о‘quv qо‘llanamlar yordamida о‘rgatiladi.

Respublikamizda hamshiralik ishini takomillashtirish kо‘p jixatdan ushbu kasb egalarini rolini va axamiyatini oshirishdan, dunyoning yetakchi davlatlari ilg‘or tajribalaridan hamda ilm–fan yutuqlaridan foydalangan holda hamshiralik ishini tashkil etish va boshqarishni uzluksiz ta’lim orqali yaxshilashdan iborat.  Hamshiralik ishini tashkil etish va boshqarishni yuksak samarali tizimini yaratishning asoslaridan biri ushbu mutaxassislik bо‘yicha respublikamizga yetuk magistrlar  tayyorlashdan iborat.

Davr taqozo etganidek, kadrlarni qayta tayyorlash kelajak avlodga bо‘lgan ishonchni yanada orttirish jamiyatimiz taraqqiyotini bundanda yuksaltirish malakali mutaxassislarning kasbiy saloxiyatini oshirib, ijobiy natijalarga erishishdir. Buning uchun xar birimiz soxa yо‘nalishi buyicha mas’uliyatni xis etgan xolda davlatimiz g‘amxо‘rligida yaratilayotgan barcha sharoitlardan tо‘g‘ri foydalanib, kadrlarni qayta tayyorlashda samarali ishlarni amalga oshirishimiz  kerak.

Hamshiralik ishini rivojlantirishning istiqboli:

  • ilmiy-izlanish bilan shug‘ulanuvchi mutaxassislarga xar tomonlama yordam kо‘rsatish
  • boshqa OTMlar bilan xamkorlik ishlarini takomillashtirish
  • oliy ma’lumotli hamshira faoliyatining klinik standartlari va talablarini ishlab chiqish
  • hamshira ishini baholash tamoyillarini aniqlash
  • hamshiralik ishi liderlarini tayyorlash
  • hamshiralik ishini boshkarishni takomillashtirish
  • amaliy о‘qitish va hamshira faoliyatining sifat indikatorlarini ishlab chiqish

FAKULTET O’QUV USLUBIY HAYOTI

  • OMH fakulteti sog’liqni saqlashda hamshiralik ishi jarayoni bo‘yicha yuqori darajada nazariy va amaliy bilimlarga ega malakali mutaxassislarni tayyorlaydi.
  • Fakultet talabalari to‘rt yo‘nalish: akusherlik, anesteziologiya – reanimatologiya, xirurgiya, menejment yo‘nalishlari bo‘yicha mutaxassis bo‘lib chiqadilar.
  • Fakultet talabalariga 15 nafar fan doktorlari, professorlar, 35 nafar fan nomzodlari, dotsentlar, 40 nafar assistentlar ta’lim berib kelmoqdalar.
  • Fakultet tarkibidagi kafedralar tomonidan talabalarga fan bo‘yicha yetarli bilim olishlari uchun eng so‘nggi axborot va innovatsion texnologiyalar bilan jihozlangan auditoriyalarda ta’lim beriladi.

O‘qish muddati 3 yil (bakalavr)

O‘QUV BAZALAR

  • Toshkent tibbiyot akademiyasi Oliy ma’lumotli hamshira fakulteti respublikaning barcha tibbiy oliy o‘quv yurtlarida «5510700-Oliy hamshiralik ishi» ta’lim yo‘nalishlari uchun tayanch oliy ta’lim muassasasi hisoblanadi.
  • OMH fakultetini tamomlagach «Hamshiralik ishini tashkil etish va boshqarish» mutaxassisligi bo‘yicha magistraturada o‘qishni davom ettirish mumkin.
  • OMH fakultetini bitirgan talabalarimiz yetakchi hamshira, vrach statist, hamshiralik ishi bo‘yicha bosh vrach o‘rinbosari hamda Oliy o‘quv yurtlarida, tibbiyot kollejlarida hamshiralik ishi bo‘yicha o‘qituvchi lavozimlarida o‘z faoliyatini davom ettirmoqdalar.

2013 yilda fakultet talabalari uchun «OMH o‘quv markazi» ochilgan bo‘lib, quyidagilarni o‘rgatadi:

  • Tibbiy hujjatlarni olib borishni o‘rgatish;
  • Terapevtik bemorlarni malakali parvarish qilish bo‘yicha amaliy ko‘nikmalarni o‘rgatish;
  • Xirurgik va reanimatsion bemorlarni malakali parvarish qilish bo‘yicha amaliy ko‘nikmalarni o‘rgatish;
  • Homilador ayollarni, tug‘ruq va tug‘ruqdan keyingi davrda malakali parvarish qilish bo’yicha amaliy ko‘nikmalarni o‘rgatish;
  • Zamonaviy asbob-uskunalarda ishlashni, bemorlarni laborator-instrumental tekshiruvga tayyorlashni o‘rgatish;
  • Hamshiralik jarayonida shaxslararo muloqotni o‘rgatish;
  • Talabalarni o‘qitishda fanlararo integrasiyani keng qo’llash;
  • Yakuniy nazoratning klinik qismini o‘tkazishni yuqori darajada tashkil qilish.

Hozirda fakultetda 267 nafar talaba tahsil olmoqda. Asosiy tibbiy fanlardan tashqari, chet tilini, kompyuter texnikasini o‘rganish mashg‘ulotlari ham yo‘lga qo‘yilgan. Fakultet talabalari TTA miqqiyosida o‘tkaziladigan barcha tadbirlarda faol ishtirok etadilar.

Translate: Eng Рус