Тошкент тиббиёт академияси магистратурасига мақсадли қабул параметрлари белгиланди!
Ўзбекистон Республикаси таълим муассасаларига ўқишга қабул қилиш бўйича Давлат комиссияси 2020 йил 7 августдаги мажлисининг 2-сон баёни қарорига мувофиқ:
Вужудга келган коронавирус пандемияси шароитида айрим тиббиёт соҳаларининг юқори малакали мутахассисларга бўлган ўткир эҳтиёжини қондириш мақсадида, республика ҳудудлари учун малакали мутахассисларни тайёрлаш учун “5А510132-Тиббий радиология” магистратура мутахассислиги бўйича мақсадли қабул параметрлари белгиланди.
Магистратура бўйича мақсадли қабул параметрлари тасдиқланганлиги муносабати билан, магистратурага ўқишга кириш учун www.magistr.edu.uz веб-платформаси орқали онлайн тарзда рўйхатдан ўтган абитуриентларга мақсадли қабул бўйича танловда иштирок этиш учун ҳужжатларини қайта тахрирлашга ҳамда “5А510132-Тиббий радиология” магистратура мутахассислиги бўйича абитуриентларга мақсадли қабул учун онлайн рўйхатдан ўтишга 2020 йилнинг 21 августига қадар (21 август куни ҳам) рухсат берилди.
Мақсадли қабул квоталари
| Шифр | Мақсадли қабул ажратилган ҳудудлар* | Давлат гранти асосида |
| 5А510132 | Тиббий радиология
шу жумладан, мақсадли қабул бўйича Тошкент шаҳри учун Тошкент вилояти учун Сирдарё вилояти учун Жиззах вилояти учун Хоразм вилояти учун |
7
7** 1 2 2 1 1 |
Изоҳ: * – Фақатгина шу ҳудудларда доимий рўйхатда турувчилар учун;
**Мақсадли қабул квоталари фақат ўзбек таълим тили учун ажратилган.
Жараён қандай тарзда амалга оширилади?
- Мақсадли қабул бўйича танловда иштирок этиш учун ҳужжатларини қайта таҳрирлаш магистратурага ўқишга кириш учун www.magistr.edu.uz веб-платформаси орқали онлайн тарзда рўйхатдан ўтган, ҳамда “5А510132-Тиббий радиология” йўналишига мақсадли қабул учун онлайн рўйхатдан ўтган абитуриентлар (янги) учун амалга оширилади.
- Рўйхатдан ўтган абитуриентга ўзи танлаган олий таълим муассасаси ва мутахассисликни ўзгартирган ҳолда, мақсадли қабул белгиланган мутахассислик бўйича танловда иштирок этиш учун ҳужжатларини қайта таҳрирлаш ҳуқуқи берилади.
❗Бунда:
➡абитуриент қуйидаги шартларни инобатга олган ҳолда Тошкент тиббиёт академиясига ёзма ариза билан мурожаат қилади:
➡абитуриент тегишли мутахассислик негизидаги мос бакалавриат таълим йўналишини тугатган бўлиши шарт;
➡абитуриент кириш имтиҳонларидан муваффақиятли ўтиб, талабалар сафига қабул қилингач, ўқишни тамомлагандан сўнг мазкур ҳудудда камида 5 йил ишлаш шарти белгиланган уч томонлама шартномани имзолашга рози бўлиши керак.
- Шундан сўнг, мақсадли қабул кўрсаткичлари ажратилган олий таълим муассасалари абитуриентларнинг аризаларини умумлаштирган ҳолда Олий ва ўрта махсус таълим вазирлигига мурожаат қилади.
- Абитуриентлар аризалари ва олий таълим муассасалари мурожаатлари асосида вазирлик техник ишчи гуруҳи томонидан magistr.edu.uz платформасидаги абитуриентларнинг ҳужжатлари таҳрирланади.
➡Абитуриентларга мақсадли қабул учун ҳужжатларини қайта таҳрирлашга 2020 йилнинг 21 августига қадар (21 август куни ҳам) рухсат берилган.
Батафсил маълумот учун телефон: +998-78-150-78-27.
