Prezidentning 4.04.2017 yildagi PQ–2867-son Qarori bilan muddatli harbiy xizmatni o‘tagan oliy ta’lim muassasalari abiturientlari uchun imtiyoz miqdoriga tuzatish kiritildi.
Qurolli Kuchlar safida muddatli harbiy xizmatni o‘tab bo‘lgan, harbiy qismlar qo‘mondonligining tegishli tavsiyanomalariga ega bo‘lgan fuqarolarga barcha yo‘nalishlar va mutaxassisliklar bo‘yicha bakalavrlar tayyorlashda barcha oliy ta’lim muassasalariga kirishda imtiyozlar beriladi.
Bu 2017/2018 o‘quv yilidan boshlab test sinovlari natijalariga ko‘ra to‘plagan ballarining 50 foizi miqdorida qo‘shimcha ballga ega bo‘lish shaklidagi imtiyozdir (ilgari – to‘plash mumkin bo‘lgan maksimal ballarning 27 foizi).
Shu tariqa, test sinovining barcha savollariga to‘g‘ri javob bergan imtiyozga ega bo‘lgan abiturient ilgari 288 ball to‘plar edi, endi 340,2 ball olish imkoniyatiga ega.
Quyidagi hujjatlarga tegishli tuzatishlar kiritildi:
- Prezidentning «O‘zbekiston Respublikasi Qurolli Kuchlari safida muddatli harbiy xizmatni o‘tab bo‘lgan fuqarolarga imtiyozlar tizimini takomillashtirishga oid qo‘shimcha chora-tadbirlar to‘g‘risida»gi 2012 yil 31 maydagi PQ-1765-sonli qarori;
- O‘zbekiston Respublikasi Qurolli Kuchlari safida muddatli harbiy xizmatni o‘tab bo‘lgan fuqarolarni oliy ta’lim muassasalariga qabul qilish tartibi to‘g‘risida nizom (11.07.2012 yildagi 205-son VMQ bilan tasdiqlangan);
- O‘zbekiston Respublikasi oliy harbiy ta’lim muassasalariga tanlash tartibi va qabul qilish qoidalari to‘g‘risida nizom(3.06.2014 yildagi 141-son VMQ bilan tasdiqlangan).
Mazkur hujjatning matni bilan, u bilan bog‘langan boshqa qonun hujjatlariga sharhlar va izohlar bilan «O‘zbekiston Respublikasi qonunchiligi» axborot-qidiruv tizimida tanishish mumkin.
Translate: Рус
